https://www.youtube.com/wath?v=k-wgzll1hog

Угаасаа амжилттай амьдрах бүсгүйн 9 арга

Тэгэхээр ажил төдийгүй, хувийн амьдралдаа ч амжилттай байх бүсгүй чи мөн үү?
1. Бусдын амжилтаар чи бахархаж, баярладаг.
Ажил, гэрийн алинд нь ч амжилттай байхын гол түлхүүр бол бусдын амжлтыг хараад өөрийгөө харьцуулах биш тэдний төлөө чин сэтгэлээсээ баярлаж чаддаг байх юм. Хамгийн сайн баг бие биедээ туслахад бэлэн, өөрийнхөө үүрэг хариуцлагыг мэддэг, ганц өөрийн амжилтын төлөө зүтгэдэггүй, багийнхаа ололтод баяртай байж, тэрний төлөө амьдардаг хүмүүсээс бүрддэг юм шүү.
2. Чи байнга шинэ туршлага эрж хайж байдаг.
Чи хийж үзээгүй зүйлээсээ айх биш, урагш тэмүүлж, өөрийгөө турших дуртай. Өөрийгөө өвөрмөц бөгөөд дэлхийн хөгжилд ч хувь нэмрээ оруулж чадах хүн гэж боддог.
Сэтгэл зүйч Робэрт Клонингерийнхээр “Шинэлэг зүйлсийг эрж хайх нь эрүүл, аз жаргалтай мэдрэмж төрүүлдэг бөгөөд хувь хүнийхээ хувьд өсөж дэвжихэд тусалдаг” гэжээ. Тиймээс өөрийнхөө дотор нуугдсан авьяас чадвараа нээснээр чи илүү олон найзтай байж, аз жаргалыг мэдрэх юм.
3. Чи ажил, амьдралынхаа балансыг тэцвэржүүлэх гэж хичээдэггүй. Зүгээр л амьдардаг.
Чиний ажил, хувийн амьдралын хоорон дахь хил хазгаарыг зааглах боломжгүй юм. Яагаад гэж үү? Учир нь чи бол чиний ажил юм. Хийж байгаа бүхэн чинь чамайг тодорхойлдог гэдгийг чи мэднэ. Үүнийг ойлгоогүй хүмүүс зүгээр л ажиллаж, түүнээсээ стресс бухимдлыг цуглуулж байдаг.
4. Чи бусдыг ойлгож хүлээн авдаг.
Хэн нэгний оронд өөрийгөө тавьж бодож чаддаг байна гэдэг тун чухал чанар. Энэ нь бусдыг болоод дэлхий ертөнцийг огт өөрөөр харах боломж олгохоос гадна хэн нэгнийг шүүмжлэхээсээ өмнө сайн бодох цагийг чамд олгоно. Бас чамайг хэт түргэдсэн алхам хийхээс сэргийлнэ шүү.
5. Чамд өөртөө батлахыг хүссэн тодорхой зүйл бий.
Олон хүмүүс бусдын бодож байгааг буруу гэж батлан, өөрийгөө хүлээн зөвшөөрүүлэх туйлын сонирхолтой байдаг. Энэ нь өөрийгөө бусадтай байнга харьцуулахад хүргэдэг. Хийж байгаа юм бүхнийхээ ард өөрийгөө хэн нэгнээс илүү гэж батлах, бардам сэтгэлийг нуусаар байдаг юм. Тийм ээ, үр дүн нь сайнаар гарах үед үнэхээр сэтгэл ханамжтай байдаг ч жинхэнэ сэтгэл ханамжийг амьдрал дахь хамгийн том хүндээ өөрийгөө батлахад үед төрдөг. Тэр хүн бол чи юм.
6. Хөдөлмөр амжилт руу хөтөлнө гэдгийг чи сайн мэддэг.
“Хэрвээ чи мөрөөдөлтэй бол өөрийгөө бууж өгч байгааг ухаарах хүртэл чинь юу ч чамайг зогсоож чадахгүй” гэж Нелсон Мандела хэлсэн байдаг. Мэдээж хэрэг чамаас илүү авьяастай, чамаас ухаалаг нэгэн эргэн тойронд чинь үргэлж байна. Гэвч хүссэн болгоноо өөрийн болгох боломж, чадварыг бурхан бидэнд ижил тэгш хэмжээгээр заяасан гэдгийг чи сайн мэднэ.
7. Чи мөнгийг шагнал биш хариуцлага гэж хардаг.
Мөнгө бол хэн нэгний чамд өгч байгаа шагнал эсвэл шидтэн биш юм. Харин түүнийг хэрхэн зарцуулах нь чухал бөгөөд бизнесээ хөгжүүлэх, машин худалдан авах, зээлээ төлөх гээд юунд ч зарцуулсан бай энэ нь чамайг урагшлуулах хүч гэдгийг чи мэднэ. Тэдэнтэй ухаалаг харьцах хэрэгтэй.
8. Чи өөртөө хэт барддаггүй
Зорилгынхоо төлөө зүтгэж байхдаа чи хамгаас тогтвортой, тайван байдаг. Амжилт гэдэг тэмүүлэл, тэвчээр болоод сэтгэлийн тэнхээ дээр тогтдог гэдгийг чи мэднэ. Бас маш их хэмжээний аз, зөв хүмүүс чухал гэдгийг мэдэх ч чи өөрөө тэднийг уриалж, манлайлдаг. Чи бусдаас өршөөл энэрэл гуйдаггүй бөгөөд өөрийнхөө сул талаа мэдэж, тэднийгээ сайжруулахаар ажилладаг.
9. Бас чи бусдын бардам сэтгэлд халддаггүй бөгөөд тэднийг үргэлж хүндэлсээр байдаг.
Чи өөрөө хэн байсан, юутай тулгарсан ч хамаагүй бусадтай адил тэгш харьцаж, хүндэлдэг. Тиймдээ ч эргүүлэн хүндэтгэл хүлээж, хэзэд чамд туслахад бэлэн хүмүүсээр хүрээлэгдэж байдаг.
Хэрвээ дээрх 9 чанар чамд бий бол чи хэзээ нэгэн цагт заавал амжилтанд хүрч, амьдралаараа бахархах нэгэн юм. Үгүй байсан ч битгий санаа зов. Өөртэйгөө ажиллаж, өөрийгөө сонсож, илүү сайжрахын төлөө хичээхэд хэзээ ч оройтохгүй.
Мөрөөдөл бол хүрэх цэг биш амьдралын хэв маяг юм. Аз жаргал ч мөн адил. Хэрвээ чи эргэн тойрон дахь зүйлсээсээ эерэг сайхныг нь олж харж сурвал амьдралын утга учрыг олно. Хэрвээ чи бүх зүйлд талархаж сурвал хүн бүр чамайг аз жаргалтай нэгэн гэж харна. Тийм ч байх учиртай.

Өглөөг эрч хүчээр угтах 17 арга

1. Нойрмоглох(snooze) товчийг аль болох битгий дар: Сэрүүлэг ч гэсэн мэдрэмжтэйг чи мэдэх үү? Тэр товчийг дарж босох цагаа бага багаар хойшлууллаа гээд босоход улам л хэцүү болох болно. Тиймээс сэрүүлэг дуугарлаа “Год” хийгээд босдог байвал биед чинь ч, сэтгэл санаанд чинь ч амар байна.
2. Онлайн болохоо түр азна: Гар утасныхаа wifi тэмдэг дээр яг дарах гэж байна уу? Үгүй шүү, хонгор минь. Түр цааш тавиад цонхоо нээж нарны туяа, сэрүүн салхийг мэдрээрэй. Дулаарах тусам утаа багасч, нар эрт манддаг болно. Ай, сайхан даа.
3. Дасгал хий: Өглөөний хөнгөхөн дасгалын цаг гарга. Бие халаалтын үндсэн дасгалуудыг хий. Босож чадахгүй байхад юун дасгал вэ гэж үү? Тэгвэл бүр ч илүү хийх хэрэгтэй дээ. Дараа нь чи өөртөө талархах болно.
4. Чимээгүй цаг: Өглөө бүгд унтаж байх үед өөртөө зөвхөн амьсгалаа л ажиглах 2 минутыг гаргаж өг. Амьсгалаа хэрхэн авч гаргаж байгаа өөрийгөө ажиглаж бие махбодио тэнцвэржүүлээрэй.
5. Сунгалт: Бид л суниах гээд нэрлэчихсэн болохоос биш өглөө босоод хоёр гараа өргөж сунгадаг чинь сунгалт шүү дээ. Хөнжлөө хуу татаж тасалгааныхаа агаараар арьсаа амьсгалуулангаа гараа сунгаад, хөлөө сунгаад, биеэ тэр чигт нь сунгаад өг.
6. Эсвэл йог хий: Гэрийн нөхцөлд хийж болох йогийн дасгалуудыг ЭНДЭЭСхараарай.
7. Амаа зайл: Орой амаа угааж унтсан ч өглөө ахиад л угаахгүй бол болохгүй, муухай мэдрэгддэг дээ. Тэнд байгаа нян бактериуд ходоод руу чинь орж үрэвсүүлж чадна гээд боддоо. Муухай байгаа биз? За тэгвэл босоод амаа угаачих эсвэл зайлчих. Харин одоо зөгийн бал эсвэл нимбэгтэй ус уугаарай. Бодисын солилцоо сайжирч, арьс чинь толийно. Нимбэгтэй ус уух нь өөр ямар ач тустайг ЭНДЭЭС эндээс уншаарай.
8. Чихрээ цааш нь: Өглөө чихэрлэг зүйл идэх нь тохиромжгүй бөгөөд дархлалын системд муугаар нөлөөлж, хэвлийн өөх нэмэгдүүлэх “шидтэй” байдаг. Тиймээс чихэрлэг зүйл иддэг бол болих хэрэгтэй.
9. Бүх юмаа бэлдчихээд унт: Орой унтахынхаа өмнө гар цүнх, фитнессийн цүнх гээд бэлдэж баглах хэрэгтэй юмнуудаа шууд шүүрэхэд боломжтойгоор бэлдээд тавьчихвал сайн.
10. Хөргөгчөө ух: Өдөрт амандаа хийчихмээр зүйлс юу байна цүнхлээд аваад яв. Өдрийн хоолоо хийж авч явдаг бол бүр ч янзтай. Хормогч зүүгээд, жаргалтай нь аргагүй өглөө хоол хийгээд зогсож байгаа өөрийгөө төсөөл дөө.
11. Хөгжим чиний сайн найз: Өглөөд эрч хүч өгдөг дуртай дуугаа сонсвол гоё. Сэрүүлэгнийхээ аян дээр тавих эсвэл гар утаснаасаа шууд тавиад сонсоорой. Ямар дуу тавих вэ гэж бодож байвал ЭНДЭЭС хэдэн санаа авч болно шүү.
12. Инээмсэглэ: Нүдээ нээнгүүтээ инээгээрэй. Инээмсэглэх шалтгаан байхгүй байвал өнөөдөр бол бэлэг гэж бодоод инээгээрэй. Өглөөг инээж угтах хамгийн сайхан нь.
13. Амттай өглөөний цай уу: Зүгээр нэг байдаг л биш бүр гойд амттай өглөөний цайг өөртөө зориулж бэлд. Эсвэл амтат жимс, ногоо хольж хийсэн смүүти бэлдэж уугаарай. Хэрвээ чамд жор хэрэгтэй бол ЭНДЭЭС хараарай. Энэ ч гэсэн амьдралаас авах сайхан зүйлсийн нэг.
14. Ороо сайхан хураа: Зүгээр нэг биш үзэсгэлэнтэй болгож хураагаарай. Тухлаг сайхан санагдаж, орой унтахдаа ч чи инээмсэглэх болно.
15. Тухайн өдрийн төлөвлөгөөгөө гарга: Нөхөртэйгөө хамт хөөцөлдөх ажил, орны даавуугаа угаах гээд хувийн, энгийн ажлууд байсан ч хамаагүй бүгдийг нь бичиж төлөвлөөрэй. Ингэснээр хувийн зохион байгуулалттай, үр дүнтэйгээр цаг мөчийг өнгөрүүлж байгаа мэтээр өөрийгөө мэдрэх болно.
16. Гадаад төрхөндөө анхаар: Өдрийн турш өөрийгөө үзэсгэлэнтэйгээр мэдрэх тэр хувцаслалт, нүүр будалт, үс засалтыг өөртөө хийж өгөөрэй. Сайхан эртэй анхны болзоондоо явах гэж байна гэж бодоод бэлдсэн ч болно шүү дээ. Магадгүй тэр орой жинхнээсээ биелчих ч юм билүү.
17. Эцэст нь өөртөө жаахан хайр “өг”: Гарахынхаа өмнө толинд хараад өөрийгөө хэчнээн үзэсгэлэнтэй, ухаантай болохыг хэлж, өөрийгөө сэргээгээрэй. Хүнээс магтаал хүлээхийн оронд өөрөө магтчихвал хялбар бас сайхан.
За ингээд өөрөө өөртөө урам зориг өгч, итгэлтэйгээр гэрээсээ гарч чадахаар боллоо. Магадгүй дээрх аргууд чамд тохирохгүй байж болно. Тэгвэл дээрхээс санаа аваад өөрт тохирохоор зохиогоод хийгээрэй. Хамгийн гол нь чи л аз жаргалтай, амьдралдаа сэтгэл хангалуун байх шүү дээ. Чамайг хамгийн ихээр дэмжиж, хүчтэй байлгаж, сэргээх хүн нь өөр хэн ч биш зөвхөн чи юм шүү

Лемоныг гоо сайхандаа анхаарах 6 арга

Нимбэгийг хоол хүнснээс гадна ахуйн хэрэглээнд хэрэглэж болдог гэдгийг мэдэхгүй хүн үгүй биз ээ. Ялангуяа эрүүл мэнд, гоо сайханд ашиглах боломжтой.

Энэхүү жимс нь байгалаасаа ариутгах, цайруулах үйлчилгээтэй бөгөөд урин дулаан цаг ирж буй энэ үед та үс, арьс, хумс болон биеийн харласан хэсгээ арчлахад нэн тохиромжтой.

1. Нимбэг уруул чийгшүүлнэ 

Ихэнх бүтээгдэхүүн уруулыг хуурайшуулах гээд байдаг бол нимбэгний багахан шүүсийг уруулдаа түрхээд унтахад сайтар чийгшүүлэх болно.
 2. Суганы харласан хэсгийг цайруулна. 

Нимбэг нь байгалийн гаралтай үнэр дарагч болохоос гадна биеийн харласан хэсгүүдийг цайруулах үйлчилгээтэй. Нимбэгний хүчил нь нян устгах үйлчилгээтэй тул эвгүй үнэрийг дарна. Нимбэгний шүүсийг бага зэрэг овъёос болон зөгийн балтай холиод сугандаа түрхээд нэг цаг хүлээгээрэй. Та хүлээсэн үр дүнгээ удахгүй мэдрэх болно.

4. Арьсны тослогийг багасгана 

Арьс арчилгаа, ялангуяа тослог арьсанд хамгийн тохиромжтой бүтээгдэхүүн бол нимбэг. Нимбэгийг шахаад унтахаас өмнө нүүрэндээ жигд түрхэх хэрэгтэй. Ингэхдээ наранд ил гарахаас зайлсхийгээрэй. Энэ нь арьсны тослогийг багасгаж, өнгөлөг толигор болгоно

5. Нимбэг хумс цайруулах болон бэхжүүлэх үйчилгээтэй 

Нимбэг нь хумс арчлах гайхалтай бүтээгдэхүүн юм. Хумсыг өнгөлөг болгохоос гадна бэхжүүлэх үйлчилгээтэй. Багахан хэмжээний нимбэгний шүүсэнд хоёр халбага оливын тос холиод хумсаа арчаарай.

6. Үс гялалзуулна 

Хэрвээ та үсээ эрүүл гялалзсан өнгөтэй болгохыг хүсвэл нимбэгний шүүсийг үсэндээ түрхээрэй. Сайтар үр дүнд хүрэхийн тулд долоо хоногт нэг удаа хийхэд хангалттай.

Эмэгтэйчүүдэдээ өгөх зөвөлгөө

1. Үргэлж тэвчээртэй байж сүр. Энэ зан чанар хаа ч байсан танд хэрэг болно: найз нөхдийн хүрээнд, хайр дурлалд, эцэг эх гээд бүгдэд. Тэвчээр гэдэг нь хүний яриаг анхааралтай сонсож, яриаг таслалгүйгээр тэднийг хүндлэхийг хэлнэ
. 2. Амттай хоол хийж сурах. Хоолны жор хаа сайгүй бий. Интернетэд, хэвлэлд, зурагтаар, тогоочийн курс ч бий. Эрэгтэй хүнийг 3 зүйлээр татаж болно: ходоодоор, сексээр, гоо үзэсгэлэнгээр. Ирээдүйн нөхөр тань баярлах болно.
 3. Торон трико битгий өмс. Энэ хувцас ямар ч эмэгтэй хүнд зохидоггүй.
 4. Эмэгтэйлэг байдлын нэгт тэгш нуруу. Хотгор цэх нуруутай явах нь язгууртан болон эрүүл хүний шинжийг гаргаж өгдөг.
5. Өдөр бүр алим идэх. Шууд бүтэн алим идэлгүй өглөө талыг нь, орой үлдсэнийг нь идэж байаарай. Өглөөний алим гоо үзэсгэлэнгийн төлөө, оройны алим эрүүл мэндийн төлөө.
 6. Үсэндээ анхаарал тавьж байх. Хэрэв таны үс урт бол орой унтахаасаа өмнө самнаад шүлжиж байгаарай. Мөн үсний маскийг хэрэглэж байхыг мартаж болохгүй.
7. Итгэлгүй залуутай дотно харьцаанд орохоос зайлсхийж байгаарай. Сексд хөнгөн ханддаг бүсгүйчүүдийг эрчүүд үнэ цэнэгүй гэж бодох нь элбэг байдаг. Сайн итгэсэн хүнтэйгээ ойртохыг зөвлөж байна.
 8. Цагаан триког хар гуталтай эсвэл хар триког цагаан гуталтай хэзээ ч битгий өмс.
9. Бүх мөнгөө үрж болохгүй. Юу ч болж байсан 10%-ийг нь цааш хийж сураарай. Жилийн дараа гэхэд танд бага зэрэг хадгаламжиндаа хийх мөнгө гарах болно.
10. Өөрийн гэсэн БИ-г бүтээ. Өөрийн гэсэн үзэл бодол, сонирхолтой бол. Яг энэ зүйлс нь бүсдыг өөртөө татах гол зэвсэг болдог юм.
11. Өөртөө том зорилго тавиад урагш тэмүүл. Зөвхөн урдах амьдралаа харалгүй 3 уулын цаад амьдралыг харах алсын хараатай байж сур. Өөрийн гэсэн сэтгүүлтэй болох ч юм уу, том сүлжээ хоолны газартай болох гэх мэт том зорилго тавь.
 12. Амарч сурах. Амралтаараа гэртээ суугаад байх хэрэг үү? Үгүй шүү. Монгол орныхоо үзэсгэлэнт газраар аялаад ирж болно, эсвэл өөрийн хүссэнээр найзуудтайгаа шоуд. Инээ, баяс, хөөр.

13. Өглөөний дасгал заавал хийж байх. Өглөөний дасгалын ач холбогдол нь тэр өдрийнхөө ачааллыг даахад хэрэг болдог юм. Богино ч бай, урт ч бай хамаагүй шөнө амарсан булчингаа сэрээж байгаарай.
14. Чанга хашгирч ярих хэрэггүй. Эмэгтэй хүн гэдэг дөлгөөнхөн тайван байхдаа бусдыг өөртөө татдаг. Ам нээнгүүт хашгирдаг хүн онцгүй.
 15. Хайртай хүмүүстэйгээ бичлэг хийж байгаарай. Гар утас, камер дээрээ бичлэг хийгээд эргэн дурсахад сайхан байдаг.
 16. Өөрийн хоббигоо ол. Дуулах, зурах, цуглуулга, оёх гээд. Танд тайвшрал болон кайф өгөх зүйлийг хайж ол.
 17. Болзоонд явахдаа санаачлагыг өөртөө авах хэрэггүй. Тэр залуу таныг болзоонд урьж таньтай цагийг өнгөрүүлэхийг хүсэж байвч юу хийх вэ гэж асууж байвал онцгүй л хэрэг байна. 18. Өвөл зуны улиралд эмчилгээний уруулын будаг хэрэглэж байгаарай. Ингэснээр Таны уруул будсан юм шиг өөрөө гялалзаж явах болно. 19. Их уншиж байгаарай. Ном, сонин, сэтгүүл гээд бүгдийг унших хэрэгтэй. 20. Сурах боломжийг битгий алдаарай. Бага ч мэдлэг таны амьдралд хэрэг болохыг хэн ч мэдэхгүй шүү дээ. Үнэгүй сургалт, хямд сургалт гээд сууж л байвал танд хэрэгтэй.

19. Их уншиж байгаарай. Ном, сонин, сэтгүүл гээд бүгдийг унших хэрэгтэй.
 20. Сурах боломжийг битгий алдаарай. Бага ч мэдлэг таны амьдралд хэрэг болохыг хэн ч мэдэхгүй шүү дээ. Үнэгүй сургалт, хямд сургалт гээд сууж л байвал танд хэрэгтэй.

Капсултай эм

Уусмал эм

Шахмал эм

Үрэл эм үйлдвэр

Эмийн үйлдвэр түүнд тавигдах шаардлагууд

Эмийн технологи гэж юу вэ?

Технологи гэдэг нь үйлдвэрийн процессын дүнд түүхий эд материалын шинж чанар, хэлбэр дүрс гадаад байдлын өөрчлөн боловсруулах аргуудын цогцыг хэлнэ.

Эмийн технологи гэдэг нь эмийн субтанц /түүхий эд/-ыг тодорхой эмийн хэлбэрт оруулах замаар эмийн бэлдмэл болон боловсруулах онлыг үндэслэл ба үйлдвэрийн процессын тухай шинжлэх ухаан юм.

Эмийн үйлдвэр түүнд тавигдах шаардлага

Эмийн үйлдвэр гэдэг нь үйлдвэрлэл явуулах эрх авч бусад зохицуулах шаардлагыг хангасан эмийн идэвхит болон савалгааны материалыг ашиглан технологын зааврын дагуу эцсийн бүтээгдэхүүн гаргадаг аж ахуй нэгжийг эмийн үйлдвэр гэнэ.
                  Эмийн үйлдвэр нь

1. эм
2. био бэлдмэл
3. эмнэлэгийн хэрэгсэл чанартай үйлдвэрлэх ба хариуцлагыг хүлээн ажиллах ба цехийн зохион байгуулалттай байна.

 ЭҮ-ын хамгийн гол хэсэг нь лаборатори юм.                             
      ЭҮ-т тавигдах шаардлагууд

• барилга байгууламж  
• ажиллах хүч
• тоног төхөөрөмж
• түүхий эд ба савалгааны материал
• баримтын бүрдэл, бүртгэл
• үйлдвэрийн захиргаа

Үрэл эмийн хэлбэр

Сахарын ширхэгийг эмийн бодис болон туслах бодисоор олон дахин үелэх замаар гарган авсан дотуур хэрэглэдэг эмийг хэлбэрийг үрэл гэнэ. Үрэл нь зөв хэлбэртэй 0,1-0,5гр 4-8мм диаметртэй байна.
    Үрэл эмийн хэлбэрийн давуу талууд

1. өвчтөн уухад тохиромжтой бөөрөнхий хэлбэртэй
2. үрэл бүхэнд эмийн бодис нь жигд тунгаар тархсан
3. хадгалах тээвэрлэхэд тохиромжтой
4. эмийн бодисын цочроох үйлдэлийг багасгасан
5. гадна нөлөөнөөс хамгаалагдаг
6. эмийн муухай үнэр амт далдладаг.

    Үрэл эмийн хэлбэрийн дутагдалтай талууд

1. бэлтгэхэд их хугацаа ур чадвар хүн хүч тусгай багаж тоног төхөөрөмж шаарддаг
2. бага насны хүүхэд болон ухаангүй өвчтөн хэрэглэх боломжгүй

    Үрэл эмийн хэлбэрийг бэлтгэх технологи

1. наалдуулагч холимог бэлтгэх
2. үрлийн цөмийг бэлтгэх
3. эмийн бодис болон туслах бодисоор үелүүлэн томруулах
4. хатаах
5. будах
6. өнгөлөх
7. чанарыг шалгах
8. савлах, хаяглах
   

Шахмал эмийн хэлбэр

 Нэг болон хэд хэдэн эмийн бодисыг туслах бодисийн тусламжтай шахах замаар гарган авсан бат бөх чанар сайтай тодорхой хугацаанд задарч уусдаг гадуур болон дотуур хэрэглэгдэхэд зориулагдан тунлагдсан хатуу эмийн  хэлбэрийг шахмал эм гэнэ.
Шахмал эмийн хэлбэрийн давуу тал
1. Үйлдвэрлэл үйл ажиллагаа нь бүрэн механикжсан
2. Эмийн бодис нарийн зөв тунлагдсан
3. Хадгалах тээвэрлэхэд хялбар олгох тохиромжтой
4. Эмийн бодис нь урт хугацааны турш тогтвортой
5. Эмийн бодсын эвгүй үнэр амтыг далдлах боломжтой
6. Эмийг андуурч хэрэглэхээс сэргийлэж шахмал нэг бүр дээр нэрийг бичих боломжтой
Шахмал эмийн хэлбэрийн дутагдалтай тал
1. Хадгалах явцад хатуурч хатдаг
2. Хүүхэд болон ухааагүй өвчтөн хэрэглэхэд тохиромжгүй
3. Эм ууссаны дараа шимэгдэж буй тэр хэсэгтээ өндөр концентрацийг үүсгэж салст бүрхэвчийг цочроодог.
Шахмал эмийн найрлаганд ордог туслах бодис
1. Холбогч бодис
2. Хөвсийлгэгч бодис
3. Гулсуулагч бодис
4. Дүүргэгч бодис
5. Будагч бодис
6. Амт үнэр оруулагч бодис
Шахмал эм үйлдвэрлэх технологи
1. Шууд шахах арга
2. Мөхлөгжүүлэн шахах арга
Нийт шахмал эмийн 10% л шууд шахах аргаар үйлдвэрлэгддэг
Шууд шахах аргаар шахмал эм үйлдвэрлэн гаргахад хэрэглэдэг нунтаг эмийн бодисууд
1. Урсах чанар сайн
2. Шахагдах чанар сайн
3. Тодорхой хэмжээний чийглэлтэй байх шаардлагатай.

Уусмал эмийн хэлбэр

Уусгагч дотор нэг буюу хэд хэдэн эмийн бодис ионы молекул байдлаар тархсан нэгэн төрлийн шингэн системийг уусмал гэнэ.
Уусмалд хэрэглэж буй уусгагчаас хамаарч
1. Усан уусмал
2. Спирт уусмал
3. Глицерин уусмал
4. Тосон уусмал
5. Үнэрт ус
6. Сироп
Уусмалыг бэлтгэх технологийн үе шат
1. Эмийн бодис болон уусгагчийг бэлтгэх
2. Уусгах
3. Уусмалаа цэвэрлэх (шүүх)
4. Стандарчлах
5. Савлах
6. Хаяглах шалгах

Капсултай эмийн хэлбэр

Эмийн бодисын эмчилгээний үйлдлийг сайжруулах эмийн бодисын эвгүй үнэр амтын далдлах надны нөлөөнөөс хамгаалах өнгө үзэмжийг сайжруулах зорилгоор бүрхүүл хийн тунлагдсан эмийн хэлбэр юм.
Капсултай эмийн хэлбэрийн давуу тал
1. Эмийн бодисын тунлалт нарийн зөв
2. Гадны нөлөөнөөс хамгаалагдсан
3. Эвгүй үнэр амтыг далдладаг
4. Био шимэгдэлт түргэн явагддаг
5. Хөдөлмөрийн бүтэмж өндөр Капсултай эмийн хэлбэрийн сул тал
1. Чийг татаж бүрхүүл гэмтдэг
2. Хэлбэр дүрсээ алдах
3. Хатуурч шимэгдэлт удааширдаг.
Капсул гарган авахад түүхий эдүүд Желатин, өөх тос, парапин, метил, целлюлоз, полиэтилен гэх мэт. Желатин бүрхүүлийг тогтворжуулах зорилгоор калийн метабисульфат, бензионы хүчлийн давс зэргийг хэрэглэдэг.
Капсулыг шинж чанараар нь -хатуу
                                                 -зөөлөн гэж ангилна.

Эмийн зохистой хэрэглээ

 Эм гэж юу вэ? Аливаа өвчин эмгэгийг эмчлэх, оношлох болон түүнээс урьдчилан сэргийлэх зориулалттай, эмчилгээний үр нөлөө нь судалгаагаар бүрэн нотлогдсон, орчин үеийн эмийн хэлбэрт оруулан тодорхой тун хэмжээгээр савласан бэлдмэлийг эм гэнэ. Хүмүүс хүнсний бүтээгдэхүүнийг хүссэн хэмжээгээрээ хэрэглэж болох бол эмийг тодорхой нэг өвчний үед тогтоосон тун хэмжээгээр хэрэглэдэгт гол ялгаа нь оршино.
 Эмийг ямар үед хэрэглэх вэ?  

Ямар нэгэн өвчний шинж тэмдэг илэрч эхэлмэгц та яаран эм бүү хэрэглээрэй. Зарим өвчний эхэн үед эм хэрэглэхийн оронд эмэн бус эмчилгээг хийх нь илүү зохимжтой байдаг. Тухайлбал: их хэмжээний шингэн уух, амин дэмээр баялаг чанартай хоол хүнс хэрэглэх, сайн амрах, биеийн тамир, спортоор хичээллэх нь хамгаас чухал эмчилгээ болдог.

 

 Эмэн бус эмчилгээгээр эмчлэх боломжгүй үед болон яаралтай тусламж шаардлагатай үед эмийг хэрэглээрэй.

Эмийг хавсран хэрэглэхэд хоорондоо харилцан нөлөөлдөг үү?  

Хоёр ба түүнээс дээш эмийг хавсран хэрэглэхэд тэдгээр нь бие биенийхээ эмчилгээний үйлдлийг дэмжих буюу саатуулах байдлаар харилцан нөлөөлдөг. Эмийг эм зүйн болон эмнэл зүйн мэдлэг дээр тулгуурлан зохистойгоор хослуулан хэрэглэх шаардлагатай тул өвчтөн өөрөө дур мэдэн хавсран хэрэглэж болохгүй.

Эмийн гаж нөлөө гэж юуг хэлэх вэ?

Аливаа өвчин эмгэгийг анагаах зорилгоор эмчилгээний тунгаар эмийг хэрэглэхэд өвчтөнд ашиг тустай эмчилгээний үйлдэл үзүүлэхийн зэрэгцээ заримдаа сөрөг тааламжгүй, бүр хортой нөлөө үзүүлэх явдал ч байдаг. Үүнийг эмийн гаж нөлөө гэдэг. Эмчилгээнд хэрэглэж байгаа эмийн гаж нөлөөг харгалзан үзэхгүй байснаас хүний эрүүл мэндэд сөрөг нөлөө үзүүлсэн тохиолдол олон байдаг. Ер нь бараг бүх эм гаж нөлөөтэй байдаг бөгөөд энэ талаар тухайн эмийн “хэрэглэх заавар” дээр тодорхой бичсэн байдаг. Тухайлбал: стрептомицин, гентамициныг их хэрэглэвэл сонсгол муудна.

Эмийн гаж нөлөө нь тухайн хүний бие махбодын онцлог, мэдрэг байдлаас хамаардаг. Сүүлийн үед биологийн өндөр идэвхтэй эмт бодисын хэрэглээ өссөн, бие махбодид үзүүлэх гадаад хүчин зүйлсийн нөлөө ихэссэн, ард иргэдийн дунд өөрөө дур мэдэн эм хэрэглэх нь түгээмэл болсон, эмч өвчтөнд эмийг хэрхэн хэрэглэх талаар мэдээлэл өгдөггүй зэргээс шалтгаалан эмийн гаж нөлөө ихсэх хандлагатай байна.
 Эмийн гаж нөлөө ямар хэлбэрээр илрэх вэ?

Эмийг хэрэглэхэд гарах гаж нөлөөний хэлбэр нь янз бүр байдаг. Тухайлбал:

Хэрэглэж байгаа эмийн эмчилгээний үйлдлийг дагалдан илрэх гаж нөлөө

Зарим эмийн бодис олон эрхтэн системд нэгэн зэрэг нөлөө үзүүлэх чадвартай байдаг. Тэдгээрийн зарим нь эмчилгээний ашигтай нөлөө байх боловч нөгөө нэг нь ашиггүй сөрөг нөлөө байж болно. Жишээ нь: Ходоодны хүчил ихэдсэн үед атропин хэмээх бодис агуулсан эмийг хэрэглэхэд хүчлийн ялгаралтыг багасгах, эмчилгээний үйлдэл үзүүлэх боловч шүлсний ялгаралт мөн нэгэн адил багассанаас ам хатах, хэл хуурайших гаж нөлөө илэрнэ.

Бие махбодын иммунобиологийн өөрчлөлтөөс хамааран илрэх гаж нөлөө

Антибиотикийг ууж хэрэглэхэд тэр нь өвчин үүсгэгч нянг устгахаас гадна хүний биед байдаг ашигтай бичил биетүүдийг нэгэн адил устгаснаас эмгэг төрөгч мөөгөнцөр үүсдэг.

Харшил
Пенициллины бүлгийн эмэнд харшлын урвал илрэх нь олонтаа тохиолддог.
Донтол

Зарим сэтгэц нөлөөт эмийг удаан хугацаагаар буюу дахин давтан хэрэглэснээс эмийн донтол үүсч тухайн эмийг хэрэглэсний дараа биед хуурамч тааламжтай мэдрэмж төрж, уг эмийг хэрэглэх тэсгэлгүй хүсэл төрнө.

Эмийн хорт нөлөө

Эмийн бодисын нөлөөгөөр бие махбодь бүхэлдээ болон аль нэгэн эрхтэн сонгомлоор хордох явдал эм хэрэглээний практикт нэлээд элбэг тохиолддог. Жишээ нь: Парацетамолын тунг хэтрүүлэн хэрэглэвэл элгийг гэмтээнэ.

Эмийн гаж нөлөөнөөс яаж сэргийлэх вэ?

Эмийг эмчийн зааваргүй өөрөө дур мэдэн хэрэглэхгүй байх.

Эмийг зөвхөн шаардлагатай үед эмчийн заавраар хэрэглэх

Олон эмийг нэг дор хавсран хэрэглэвэл эмийн гаж нөлөө ихэсдэг тул нэг дор олон эм хэрэглэхээс аль болох зайлсхийх.

Зөвхөн шаардлагатай цөөн эмийг хэрэглэх.

      Эмийг хэрэглэхийн өмнө эмнэлгийн мэргэжилтэн болон тухайн эмийг хэрэглэх заавраас илэрч болох гаж нөлөөний талаар тодорхой мэдээлэл авсны дараа хэрэглэх.

        Эм хэрэглэх явцад ямар нэг таагүй нөлөө ажиглагдвал эмчид даруй мэдэгдэх.

        Хэрэв ямар нэгэн эмийг хэрэглэхэд таны биед таагүй сөрөг нөлөө ажиглагдаж байсан бол эмчид үзүүлэхдээ энэ талаар урьдчилан мэдэгдэх.

        Донтол үүсгэх нөлөөтэй эмийг дахин давтан хэрэглэхээс аль болох зайлсхийх.
Эмийн зохистой хэрэглээ гэж юу вэ?

Эмийн зохистой хэрэглээ гэдэг нь тухайн хүний нас, биеийн онцлог, өвчний байдалд тохирсон эмийг зөв сонгон зохих тун хэмжээгээр, тодорхой хугацааны турш хэрэглэхийг хэлдэг. Эмийн зохистой хэрэглээний хүрээнд эмийг зөв сонгох, тун хэмжээ, эмчилгээний үргэлжлэх хугацааг нарийн тогтоох, хэрэглэх эм нь өөр хоорондоо тохиромжтой байх, хоол ундны дэглэмийг эмийн хэрэглээтэй уялдуулах, эмчилгээний үр дүнг хянах зэрэг олон асуудал багтдаг. Эм хэрэглэгч энгийн хүний хувьд ямар эмийг, ямар хэмжээгээр, өдөрт хэдэн удаа, яаж хэрэглэх хийгээд хоол ундны дэглэмийг хэрхэн зохицуулахыг зөв шийдэх боломжгүй тул эмнэлгийн мэргэжилтнээс зөвлөгөө авч, түүний дагуу хэрэглэх нь зүйтэй.

Эмийн зохистой хэрэглээ нь эмийг зөв сонгохоос эхэлдэг. Эмийг зөв сонгоход танд эмч, эмийн санч нар туслах болно. Эмийг олгох байдлаар нь:

Жоргүй олгох

Жороор олгох

Эмнэлгийн нөхцөлд хэрэглэх эм гэж ялган үздэг.

Жоргүй олгох эмийг эмийн санчаас зөвлөгөө авч хэрэглэж болно. Харин жороор олгох эмийг эмчийн заавраар сонгон хэрэглэх шаардлагатай, эмнэлгийн нөхцөлд хэрэглэх эмийг зөвхөн эмнэлэгт хэвтсэн тохиолдолд эмчийн хяналтанд хэрэглэнэ.
Эмийг буруу хэрэглэвэл ямар сөрөг нөлөө гарах вэ?
Ямар ч эмийг буруу хэрэглэвэл бие махбодид олон сөрөг нөлөө үзүүлэхээс гадна таны эрүүл мэнд болон амь насанд аюул учруулж болно. Тухайлбал:

Эмийг эмчийн зааваргүй өөрөө дур мэдэн сонгох тохиолдолд өөрт тохирох эмийг зөв сонгон хэрэглээгүй бол өвчний эдгэрэлтэд нөлөөлөхгүй тул өвчин архагшиж, хүндэрч болно. Мөн эдийн засгийн хувьд үргүй зардал гарна.

Эм хэрэглэх дэглэмийг баримтлахгүй өвчний зарим шинж тэмдэг, зовиур нь гайгүй болмогц эмээ хэрэглэхээ больсноос өвчин хүндрэх, архагших, эмэнд дасалтай болох зэргээр эмчилгээний үр дүнд муугаар нөлөөлдөг.

Эмийг тохирсон тунгаар хэрэглэхгүй бол эмчилгээ үр дүнгүй болно.

Хэт олон эмийг нэг дор хэрэглэвэл тэдгээрийн гаж нөлөө давхцан эмийн сөрөг нөлөө нэмэгдэнэ.

Эмийг нэг дор хэт их хэмжээгээр, өдөрт хэт олон удаа эсвэл ижил найрлагатай эмүүдийг хавсран хэрэглэвэл тун хэтэрч хордох, эрхтэн системийг гэмтээх эрсдэл ихэснэ.
 Эмийг зөв хэрэглэхийн тулд юу анхаарах вэ?

Манай иргэдийн дунд ямар нэг өвчин туссан үедээ эмчид хандалгүй эмийг өөрсдөө дур мэдэн сонгон хэрэглэдэг, хэрэглэх зааврыг баримтладаггүй буруу дадал хандлага түгээмэл байна. Эм бол өөрийн дураар сонгон хэрэглэдэг бараа биш бөгөөд эмийн хэрэглэх заалт, тун нь тухайн хүний нас, биеийн онцлог, өвчний байдлаас хамааран харилцан адилгүй байдаг тул мэргэжлийн бус хүмүүс өөрт тохирох эмийг тэр бүр зөв сонгон хэрэглэж чаддаггүй. Учир нь эмийн нэр төрөл маш олон бөгөөд зарим өвчин эмгэг болон бага насны хүүхэд, жирэмсэн, хөхүүл үед хэрэглэхийг хориглосон эм ч олон байдаг.

Аливаа өвчин эмгэгийн үед эмчид хандан зөвлөгөө авч, эмчийн зөвлөсөн тунгаар, хэрэглэх цагийг нарийн баримтлан, зөвлөсөн хоногийн турш зөв хэрэглээрэй.

Та хэрвээ эмчид үзүүлэхээс өмнө ямар нэгэн эм хэрэглэж эхэлсэн бол эмчид үзүүлэхдээ түүнд заавал мэдэгдээрэй. Энэ талаар мэдээлэл өгөөгүйгээс хамт хэрэглэхийг хориглосон эмийг нэг дор хэрэглэх, ижил үйлдэлтэй эмийг хавсран хэрэглэснээс тун хэтрэх зэрэг сөрөг нөлөө гарч болно.

Эмийн санд жоргүй олгодог эмийг бие даан хэрэглэж болох боловч түүнийг аюулгүй хэрэглэхийн тулд тухайн эмийг худалдаж авахын өмнө эмийн санч болон тухайн эмийн “ хэрэглэх заавар”-аас эмчилгээний үйлдэл, үндсэн үйлчлэгч бодис, хэрэглэх заалт, гаж нөлөө, цээрлэл, өдөрт хэдэн удаа, хэд хоног, ямар тунгаар хэрэглэх талаар тодорхой мэдээлэл авсны дараа хэрэглээрэй.

Зарим нийлмэл найрлагатай эмийн нэр нь өөр боловч ижил үйлчлэгч бодис агуулсан байдаг. Тухайлбал: Эмийн санд жоргүй олгодог ханиаданд хэрэглэдэг ихэнх эмийн найрлаганд парацетамол орсон байдаг тул эмийг худалдаж авахын өмнө найрлагыг сайтар анхаарч давхардуулан хэрэглэхгүй байх хэрэгтэй.

Хэтэрхий олон эмийг нэг дор хэрэглэвэл эмийн гаж нөлөө ихсэх, харилцан үйлчлэлийн улмаас эмчилгээний үр дүнд нөлөөлж болох тул зөвхөн шаардлагатай цөөн эмийг эмчийн зааврын дагуу хэрэглэх нь зүйтэй. Эмийг хэдэн удаа хэрэглээд өвчний зарим шинж тэмдэг арилсан ч заасан хугацааны турш дуустал хэрэглээрэй.

Нярай болон бага насны хүүхдэд эм хэрэглэхэд тунг нарийн тохируулах шаардлагатай тул эмчээс зөвлөгөө авч хэрэглэх шаардлагатай.

Жирэмсэн болон хөхүүл эхийн хэрэглэсэн эм ураг болон хүүхдэд сөрөг хортой нөлөө үзүүлж болох тул эмийг маш болгоомжтой хэрэглэх хэрэгтэй. Жирэмсний энхий 3 сард эмийг аль болох хэрэглэхгүй байх нь чухал. Хэрэв шаардлагатай бол эмчийн заавраар хэрэглээрэй.

Эмийг хэрэглэх явцад ямар нэг гаж нөлөө илэрвэл эмчид даруй мэдэгдэж шаардлагатай арга хэмжээг авах нь зүйтэй.

Эмийг буруу хадгалснаас хугацаа нь дуусаагүй боловч эмчилгээний үйлдэл нь буурч, чанараа алдан эрүүл мэндэд хортой нөлөө үзүүлдэг тул эмийн шошго дээр заасан нөхцөлд зөв хадгалаарай.

      Эмийн  технологийн шинжлэх ухаан түүний хөгжил

Технологи гэдэг нь:Techne-урлаг, Logos-судлал гэсэн техникийн  тухай сургаал гэсэн утгатай үг юм.Ер нь технологи гэдэг нь үйлдвэрлэлийн процессын дүнд түүхий эд материалийн шинж чанар, хэлбэр дүрс, гадаад байдлыг өөрчлөн боловсруулах аргуудын цогцыг хэлнэ.

-Манай тооллоос өмнө 1700 жилийн үед эртний Египтийн Эберсийн папируст уусмал, тосон түрхэц, идээшмэл зэрэг нэлээд боловсронгуй  бэлдмэлүүд эмийн хэлбэрүүдийн 800 орчим жор тэдгээрийн бэлтгэх технологийн  тухай дурдсан.

 Капитализм хөгжихийн зэрэгцээ Эмзүйн шинжлэх ухаан улам хурдацтай хөгжиж эмийн сангийн лаборатор тоног төхөөрөмж хэрэглэж чанар сайтай эмийн бэлдмэлүүдийг бэлдэх болсон. 19-р зууны үед эмийн технологи томоохон амжилт нь У. Брокдоны 1843 онд шахмалийн эмийг зохион бүтээсэн.

Францын эм найруулагч Лехаб 1846 онд хатуу желатин капсулыг нэвтрүүлсэн зэрэг нь ЭТИУ-ны хөгжлийг шинэ шатанд  хүргэхэд чухал байр суурийг эзэлдэг байна.

Эмийн үйлдвэр инженер технологич гэж ямар мэргэжил вэ?

        Түүхэн товчоон
 ЭЗШУИС-ийн ЭҮИТ-ийн тэнхим нь 2015 оны 9-р сард ЭЗУ-ны магистр Б.Рэнцэн, Хэл шинжлэлийн ухааны магистр Ц.Ундармаа, Ч.Мөнхнасан багш нарын бүрэлдэхүүнтэйгээр анх байгуулагдсан. 2015-2016 оны хичээлийн жилд тус тэнхимийн эрхлэгчээр ЭЗУ-ны магистр Б.Рэнцэн ажилласан. ЭҮИТ-ийн тэнхим нь 2016-2017 оны хичээлийн жилд тэнхимийн эрхлэгчээр ЭЗУ-ны доктор Б.Цэрэндолгор (Ph.D), зочин профессор Ким Дун Жин (Ph.D), Хэл зохиолын доктор Д.Байгалмаа (Ph.D), ЭЗУ-ны магистр Э.Наранчимэг, Боловсрол судлалын магистр О.Чимэггэрэл, Ч.Мөнхнасан багш нарын бүрэлдэхүүнтэйгээр ажиллаж байна.
 ЭМИЙН ҮЙЛДВЭРИЙН ИНЖЕНЕР ТЕХНОЛОГИЙН ТЭНХИМИЙН 2016-2017 ОНЫ ХИЧЭЭЛИЙН ЗОРИЛГО:
 Оюутанд зөв хандлага, дадал төлөвшүүлэн, сургалтын чанарыг дээшлүүлэн, багш, судлаачийн эрдэм судалгааны ажлыг эрчимжүүлнэ.
 ТЭНХИМИЙН ДАВУУ ТАЛ:   ЭЗШУИС, БНСУ-ын хамтарсан 3+2 хөтөлбөрийн хүрээнд эмийн үйлдвэрийн инженер технологийн ангид солонгос хэлний болон мэргэжлийн хичээлүүд “сургалт - эрдэм шинжилгээ - үйлдвэрлэл” гэсэн шүтэлцээтэйгээр явагддаг.
 ТЭНХИМИЙН ГАДААД ХАРИЛЦАА:   Эмийн үйлдвэрийн инженер технологийн тэнхим нь БНСУ-ын Олон Улсын Их Сургууль, Тэгү Уламжлалт Анагаах Ухааны Их Сургуультай нягт хамтын ажиллагааны хүрээнд 3+2 хөтөлбөрийг хэрэгжүүлэн эмийн үйлдвэрийн инженер технологич бэлтгэж байна.